今時今日嘅香港，樣樣嘢都貴，連麵包都要成$10個，拎住$20可以食到啲乜？
只要你夠快手，$20，分分鐘就可以食到成隻海南雞，甚至星洲黑胡椒蟹喇！OpenRice由9月21日起，一連8個禮拜舉行訂座感謝祭，有一連串訂座優惠兼抽獎，總之多訂就多獎啦。嚟到第四個禮拜嘅$20快閃優惠，係充滿風味嘅亞洲菜呀！買$20快閃優惠仲可以獲得3次抽獎機會（詳情按此），頭獎係最新型號Macbook Pro，仲有125份獎等你攞！
即刻睇下有邊幾間餐廳提供激抵優惠（酒店餐廳都有呀），mark實心水、約定朋友飯局時間，10月12日秒搶$20餐飲券啦！
九龍城、銅鑼灣 小曼谷泰國美食
$20快閃優惠：泰皇咖喱炒海鮮 $238
由泰國華僑開設嘅泰國餐廳，廚師都係泰籍，食得到地道泰式風味之餘，亦有創新fusion菜式。而今次廿蚊快閃優惠嘅泰皇咖喱炒海鮮，啱晒海鮮控，一次過食到蝦呀蜆呀青口等多款新鮮海鮮，微辣咖喱香中帶有椰香。
北角 Cruise
$20快閃優惠：馬沙文咖喱燴澳洲M4牛臉頰 $300
位於酒店頂樓嘅呢間餐廳，擁有無敵海景，主力提供多款現代東南亞嘅美食，擺盤亦見心思。馬沙文咖喱可以話係眾多款泰式咖喱醬中，相對溫和嘅一款，甜中帶辣，用佢嚟燴澳洲M4牛臉頰，既能突顯肉香，又唔會喧賓奪主。另配印度烤餅，夾埋一齊食又有一番風味。
葵芳 少爺18
$20快閃優惠：下午茶2人餐 $206
只此一間，並無分店嘅呢間新加坡菜餐廳，正宗口味海南雞一定係佢哋嘅招牌菜，雞肉嫩滑，份量又多。今次快閃優惠嘅下午茶餐中，都有包到一客海南雞飯㗎，另外仲有泰式魚餅、椰汁紅豆冰同荔枝紅茶。
旺角 Yadllie Plate
$20快閃優惠：海鮮部隊鍋 (跟辛辣麵) $208
由韓國開到過嚟香港嘅餐廳，以韓國空運到嘅韓國雞製作手工炸雞，就連醬汁同蔬菜嘅食材，都係嚟自韓國。暫時去唔到旅行，喺香港都可以食到韓風~ 快閃優惠嘅海鮮部隊鍋份量十足，鮮蝦、青口、蜆，又有煙肉脆皮腸仔卷同午餐肉等等，湯底唔太辣又有陣陣海鮮香，最尾落埋辛辣麵，索晒湯汁一定夠味。
中環 施心畢老撾餐廳
$20快閃優惠：老撾蕉葉烤魚 $238
香港有唔少東南亞菜餐廳，但老撾菜就比較少喇。呢間專賣老撾湯粉、小食等老撾地道美食嘅小店可以話係充滿特色，值得一試。老撾菜比泰國、越南菜用嘅香料較少，亦較注重鮮味，呢道老撾蕉葉烤魚，魚味非常突出！
觀塘 哈豆
$20快閃優惠：香酥排骨滷肉飯配腩瘦香菇肉羹 $200
由台灣人開嘅台灣特色小店，最初只係得飲料，慢慢發展到而家有各種各樣嘅台灣美食，菜式簡單，但就有種回憶中屬於台灣嘅味道。舖頭內仲有多款桌上遊戲提供添。香酥排骨滷肉飯固之然惹味，配埋超足料嘅腩瘦香菇肉羹，絕對係一種滿足。
大角咀 樂天經典
$20快閃優惠：星洲黑胡椒蟹 $280
一次過集合晒星馬泰東南亞菜嘅呢間新加坡餐飲集團旗下嘅餐廳，以新派現代手法主理經典菜式，選擇甚多。但講到新加坡嘅招牌菜，就點都係星洲黑胡椒蟹，有幾個size揀，啖啖辣香，黑椒惹味，蟹鉗啲肉仲大大嚿，紥實鮮甜。
太古 Chin Chin Thai Cuisine
$20快閃優惠：海南雞 (一隻) $238
主打傳統泰菜，選用嘅食材亦由泰國直接入口，而餐廳名「Chin Chin」喺泰文係有讚賞人廚藝嘅意思。海南雞雞肉細嫩，幾款醬料亦各有特色風味，有鹹香有酸辣，適合大眾口味。
東涌 尚蓮越泰餐廳
$20快閃優惠：清邁香檸明爐珍珠斑 $228
東涌嘅朋友仔一樣有食神，呢間越泰風味餐廳，裝修時尚，仲有戶外座位，感覺舒服。清邁香檸明爐珍珠斑同其他泰菜一樣，都係加入滿滿嘅香料製作，香口惹味，加埋清新嘅檸檬汁，既可以辟走魚腥，亦令成道菜變得更清新。
青衣 Lime Garden
$20快閃優惠：咖喱黃金蛋炒大頭蝦 $217
位於青衣城嘅越、泰菜餐廳，舖面以湖水綠色為主題，夠晒搶眼。鍾意食重味少少嘅朋友，或者會對咖喱黃金蛋炒大頭蝦有興趣。以鹹蛋炒蝦，感覺有啲似中式嘅黃金蝦，但再加埋香辣咖喱版，送飯最啱。
